«Мойынқұм» мешітінде қасиетті Рамазан айын лайықты қарсы алу мақсатында дайындық жұмыстары қолға алынды. Қазіргі таңда мешіттің ішкі және сыртқы келбеті ретке келтіріліп, тазалық жұмыстары жүргізілуде. Сонымен қатар жарық көздері жаңартылып, қажетті таңбашалар орнатылуда.

Аталған игі іске ауыл азаматтары белсене атсалысып, мешіттің көркеюіне өз үлестерін қосуда. Осыған орай ауданның бас имамы жамағатқа және еңбек еткен азаматтарға алғысын білдіріп, алдағы Рамазан айының берекелі өтуіне тілектестік танытты.

Мойынқұм аудандық «Мойынқұм» мешітінің баспасөз қызметі.