Қызыләуіт ауылы "Жаңабай сопы" мешітінің имамы Төсбаев Әбдіқали ауыл ақсақалдарымен кездесу өткізіп, дін мен дәстүр сабақтастығы тақырыбында мазмұнды баяндама жасады. Кездесу барысында имам қазақ халқының салт-дәстүрлері мен ислам құндылықтарының өзара үндестігіне тоқталып, ұлттық болмыс пен рухани тәрбиенің маңызын атап өтті.

Сондай-ақ жастарға үлгі боларлық тағылымды әңгімелер айтылып, қоғам бірлігі мен ынтымағын сақтау мәселелері қозғалды. Жиын соңында ақсақалдар ой-пікірлерін білдіріп, рухани бағыттағы жұмыстардың маңыздылығын қолдайтындарын жеткізді. Мұндай кездесулер ұрпақ тәрбиесінде дін мен дәстүрдің сабақтастығын нығайтуға сеп болмақ.

"Жаңабай сопы" мешітінің баспасөз қызметі