Хазіреті Әли (Алла оған разы болсын): «Расында, дүние бізден теріс айналып, алыстап барады. Ал Ақырет болса, бізге құшағын ашып, жақындап келеді. Бұл екеуінің де өз перзенттері бар. Сендер фәни дүниенің емес, мәңгі болғанАқыреттің перзенті болыңдар! Себебі, бүгін – амал ету бар, бірақ сұрақ-жауап жоқ. Ал ертең – сұрақ-жауап бар, бірақ амал ету жоқ!» – деген екен.

Осындай тақырыпты орталық «Жәми» мешітінде «Тоғай» мешітінің имамы Жанат Сағитов қасиетті жұма намазын жүргізіп, жамағатқа «Қайырымды амал – мұсылманның ең үлкен қазынасы» тақырыбында уағыз айтты.

Уағыз барысында мұсылман өміріндегі игі істердің маңызы кеңінен түсіндіріліп, намазды уақытылы оқу, ата-анаға құрмет көрсету, адамдарға пайдалы іс жасау және жасырын орындалған сауапты амалдардың рухани құндылығы ерекше екені атап өтілді. Жамағат ізгілікке үндейтін насихат тыңдап, жүректеріне тағылым алды.

Шу аудандық «Жәми» мешітінің баспасөз қызметі.