Жамбыл ауданы, Гродиково ауылы "Арынғазы" мешітінің ұстазы Малик Унгарбаев "Ислам Ғылымхалы" кітабы бойынша фиқһ дәрісінде "Қирағат" тақырыбын ашықтап түсіндіріп берді.

 Намазда Құран тек араб тілінде оқылады. Басқа тілге Құранның өзі емес, оның мағыналық аудармалары ғана жасалады. Қырағаттың ең азы – әр ракағатта бір аят оқу. Қырағат дұрыс болу үшін оны өзіне естілер-естілмес дәрежеде оқу керек. Себебі дауыс шығару – қырағаттың шарттарының бірі.

Қырағат уәжіп, сүннет және нәпіл намаздардың барлық ракағаттары мен парыз намаздардың алғашқы екі ракағатында – парыз. Ал парыз намаздардың басқа ракағаттарында қырағат уәжіп.

Жамбыл аудандық орталық мешітінің баспасөз қызметі