Мойынқұм ауданының бас имамы Ержан Көшкімбай Қарабөгет ауылындағы «Қарабөгет» мешітінде жамағатпен жүздесіп, дәстүрді дәріптеу тақырыбында тағылымды насихат айтты.

Бас имам өз сөзінде ата-бабадан мирас болып қалған салт-дәстүрлердің асыл дінімізбен тығыз байланысты екенін атап өтіп, ұлттық құндылықтарды сақтау мен ұрпақ санасына сіңірудің маңызын тілге тиек етті. Сонымен қатар дін мен дәстүрдің бір-бірін толықтырып, қоғамда бірлік пен берекені нығайтатынын мысалдар арқылы түсіндірді.

Кездесу жамағат үшін рухани мәні зор басқосуға айналып, имамға өз алғыстарын білдірді.

Мойынқұм аудандық «Мойынқұм» мешітінің баспасөз қызметі.