Көкжелек ауылындағы «Шопан ата» мешітінде жамағатқа арналған пәтуа сағаты ұйымдастырылып, шараны имам Мадыханов Бақытжан жүргізді. Дәріс барысында ол мәсіге мәсіх тарту мәселесін шариғат тұрғысынан кеңінен түсіндірді.

Имам күнделікті өмірде жиі кездесетін бұл амалдың дұрыс орындалу шарттарын, жеңілдіктерін және Пайғамбарымыздың (с.а.с.) сүннетіндегі орнына тоқталып өтті.

Жамағат өз кезегінде көкейдегі сұрақтарын қойып, нақты діни дәлелдермен жауап алды. Пәтуа сағаты пайдалы пікір алмасумен жалғасып, жамағаттың діни сауатын арттыруға ықпал етті.

Мойынқұм аудандық «Мойынқұм» мешітінің баспасөз қызметі