Қордай өңірінде сауапты істің сәулесі тағы бір рет байқалды. Жамбыл облысы, Қордай ауданына қарасты Қарасу ауылындағы «Әл-Хади» мешітінің ауласы абаттандырылып, автотұрағы толықтай асфальтталды.

Бұл игі бастаманы мешіт имамы Жапеков Русланбек ұйымдастырып, ауыл тұрғындарының ортақ ниеті мен қолдауының нәтижесінде қасиетті орынның келбетіне жаңа тыныс берілді.

Жаңарған аула, тегістелген жолақтар – жамағатқа жасалған ыстық ықыластың, Алла үйін көркейтуге деген таза жүрек пен адал пейілдің белгісі. Осындай қайырлы іске үлес қосқан әрбір жанның садақалары қабыл болып, тілектері орындала берсін!

Аудандық «Қордай» мешіті баспасөз қызметі