Тараз қаласындағы Кеңесхан қажы мешітінің әйел-қыздар шәкірттері арасында «Әкенің отбасындағы рөлі» атты мазмұнды кездесу ұйымдастырылды. Шараға әже-апалар, орта жастағы аналар және жас қыздар қатысып, бірнеше ұрпақ бас қосқан рухани мазмұны терең сұхбат өрбіді.

Кездесу барысында әкенің отбасыдағы негізгі міндеттері – отбасыға қорған болу, қамқорлық көрсету, асыраушы болу сынды жауапкершіліктер жан-жақты талқыланды. Сонымен қатар, әке тәрбиесі мен ана тәрбиесінің ерекшеліктері, олардың бала тұлғасының қалыптасуындағы орны кеңінен түсіндірілді.

Қатысушылар өзара пікір алмасып, ұлттық дәстүрдегі әке образы, Исламдағы әке міндеттері және қазіргі қоғамдағы әкенің рөлі жөнінде ой бөлісті.

Тағылымды жиын рухани тәрбиені күшейтуге бағытталған мазмұнды ойлармен аяқталып, қатысушыларға ерекше әсер қалдырды.

«Һибатулла Тарази» мешітінің баспасөз қызметі