«Атаның сөзі – ұрпақтың ізі» атты тағылымды кездесу мектеп оқушыларымен өткізілді. Іс-шараның мақсаты – жастарға ата-баба мұрасын дәріптеу, үлкенге құрмет, кішіге ізет көрсету сынды асыл қасиеттерді ұғындыру болды. 

Кездесуде ауыл имамы Молдашев Нұрбол мен ауыл ақсақалдары халқымыздың салт-дәстүрі мен өнегелі сөздерінің мән-маңызын түсіндіріп, жастарды имандылыққа, әдептілікке шақырды. Сонымен қатар, оқушылар тарапынан қойылған сұрақтарға жауап беріліп, тәлімдік әңгімелер айтылды. 

Шара соңында қатысушылар ата-бабадан қалған өсиетті сөздердің өмірлік маңызы зор екенін атап өтіп, ұрпақ сабақтастығын сақтау – баршамыздың міндетіміз екенін жеткізді.

Меркі аудандық «Меркі ата» мешітінің баспасөз қызметі