Меркі ауданына қарасты мешіттерде жылыту маусымына дайындық жұмыстары жүргізілді. Қыс айларында қауіпсіздік пен тиімді жылытуды қамтамасыз ету мақсатында барлық мешіттердің газ-пештері, қазандықтары мен жылы су жүйесі толықтай тексерістен өткізілді.

Тексеру барысында жылу жүйелерінің жағдайы, түтін тартқыш құбырлардың бүтіндігі мен газдың ақаусыз жұмыс істеуі қатаң қадағаланды.

Аудан бас имамының айтуынша, бұл шаралар – жамағаттың қауіпсіздігі мен мешіттерде тұрақты жылудың қамтамасыз етілуі үшін жыл сайын дәстүрлі түрде өткізіліп тұрады.

Меркі аудандық «Меркі ата» мешітінің баспасөз қызметі