«Бірлікүстем» мешітінде игілікті іс жалғасын тауып, қайырымдылық шарасы ұйымдастырылды. Ізгі ниетті үш бауыр үш бас қой сойып, ауылдағы аз қамтылған 9 отбасыға үлестірді.

Бұл шара мұсылман қауымына тән бауырмалдық пен мейірімділіктің жарқын көрінісіне айналды. Жиналған жамағат Алла разылығы үшін атқарылған амалды қуана қабылдап, ұйымдастырушыларға алғыстарын білдірді.

Іс-шараға жұмсалған жалпы қаржы көлемі 210 000 теңгені құрады. Осындай қайырымдылық істері ауыл бірлігін нығайтып, қоғамдағы рухани татулық пен сүйіспеншілікті арттыра түсері сөзсіз.

Шу аудандық «Жәми» мешітінің баспасөз қызметі.