Бірлікүстем ауылындағы мешітте 1989 жылғы мектеп түлектерінің бастамасымен рухани мәні зор Мәуліт кеші ұйымдастырылды. Шара барысында мешіт имамы Аят Дыбысұлы Мәуліт оқып, жиналған жамағатқа Пайғамбарымыздың (с.а.с.) өнегелі өмірі туралы уағыз-насихат айтты.

Мерекелік кеште сұрақ-жауап ойыны өткізіліп, қатысушылар діни білімдерін сынап көрді. Артынша ақ дастархан жайылып, ас беріліп, Құран оқылды. Сонымен қатар ауыл жастары мен тұрғындары арасында спорттық ойындар ұйымдастырылып, шара мерекелік көңіл-күйде жалғасын тапты.

Бұл игі іс-шараға жалпы 460 000 теңге қаражат жұмсалды. Ізгі істің ұйытқысы болған 1989 жылғы ұл-қыздарға ауыл тұрғындары ризашылықтарын білдіріп, Алланың разылығы болсын! деген ақ тілектерін айтты.

Шу аудандық «Жәми» мешітінің баспасөз қызметі.