Асар – халықтың қайырымдылығы мен ұйымшылдығын көрсетіп, ауқымды әрі  күрделі істерді бірлесе атқарудың айшықты  дәстүрі. Алла Елшісі (оған Алланың салауаты мен сәлемі болсын) мүміндерді дін бауырына жәрдем етуге шақырып: «Кімде-кім дін бауырының мұқтаждығын өтесе, Алла Тағала оның мұқтаждығын өтейді.

Кімде-кім дін бауырының мұңына, дертіне шара тапса, Алла Тағала оны қиямет күніндегі қиыншылықтардың бірінен құтқарады», – деп сүйіншілеген. Осы игі өсиет аясында Бас мүфти Наурызбай қажы Тағанұлының бастамасымен жүзеге асқан «Ел үлесі – пәтерге» үлкен жобасы аясында Қордай ауданында қуанышты сәт орын алды.

ҚМДБ-ның Жамбыл облысы бойынша бас имамы Асқар Зәкіржанұлы 863-баспана ретінде мешіт қызметкері  Ләззат Садуақасоваға пәтер кілтін табыстады. Берілген жаңа үй иесіне тек жақсылыққа толсын! Алла Тағала оны екі дүниеде де хайырлы баспана етсін!

Аудандық «Қордай» мешіті баспасөз қызметі