Гродиково ауылы "Арынғазы" мешітінің ұстазы Малик Унгарбаев  жамағатқа "Дін мен дәстүр - егіз ұғым" тақырыбында түсіндірме жұмысын жасады. "Дін мен дәстүрдің үндесуі осыдан XIII ғасыр бұрын бабалар жүрегі иманға ұйып қабылдаған Ислам діні арқылы әрбір халықтың, ұлттың өзіндік құндылықтары және ерекшеліктері – әдет-ғұрпына көңіл бөлген.

Дін мен дәстүрдің қоғамдағы алатын орны жоғары, ұлттық құндылықтар дұрыс қалыптасу үшін де атқарар маңызы өте зор. Жалпы Ислам діні  – адамдық ізгі қасиеттерімізді асқақтатса, салт-дәстүр – ұлт болып қалыптасуымыз үшін қажет" деп қорытындылады сөзін ұстаз Малик.

Жамбыл аудандық орталық мешітінің баспасөз қызметі