Шу қаласындағы «Кәрібай молда» мешітінде қуанышты жаңалық орын алды. Мешіт ұстазы Ғалия Байториеваның бастамасымен және жамағаттың қолдауымен арнайы «Неке қию бөлмесі» толық жабдықталып, халық игілігіне пайдалануға берілді.

Жаңадан ашылған бөлме ұлттық болмысымызды айшықтайтын қазақы нақышта жасақталған. Бұл игі іс – шариғат талабына сай отбасын құруға, жастардың некесін мешіт қабырғасында қиюға мүмкіндік бермек.

Мешіт жамағаты бұл қадамды рухани құндылықтарды дәріптеудің, жаңа шаңырақ көтерушілерге қолдаудың бір көрінісі деп бағалады.

Шу аудандық «Жәми» мешітінің баспасөз қызметі.