Облыстың бас имамы Асқар қажы Зәкіржанұлы Шу ауданына арнайы іс-сапармен ат басын бұрды. Сапар барысында ол «Төле би» мешітінің имамы Талғат Кәрібайұлымен бірге қалалық «Кәрібай молда» мешітінің тыныс-тіршілігімен танысты.

Құрылысы қарқынды жүріп жатқан асхана, жамағатқа арналған дәрісханалар, сондай-ақ мешіттің іші-сыртқы жағдайы назардан тыс қалмады. Облыс имамы жұмысты жоғары бағалап, бастамаларға сәттілік тіледі.

Өз кезегінде Талғат имам да алдағы уақытта ауқымды жоспарлардың жүзеге асатынын айтып, жамағатпен бірге мешіттің қызметін жандандыруға күш салатынын жеткізді.

Шу аудандық «Жәми» мешітінің баспасөз қызметі.