Тараз қаласы Мойынқұм ауданының Мойынқұм мешітінде бас имам Ержан Көшкімбай жамағатқа исламдағы отбасы құндылықтары жайында насихат айтты.

    Насихат барысында отбасының – қоғамның негізі, имандылық пен мейірімнің ошағы екені түсіндіріліп, ер мен әйелдің өзара сыйластығы, ата – анаға құрмет, балаға дұрыс тәрбие беру сынды мәселелерге тоқталды.

    Имам Ержан Көшкімбай: «Отбасы – Алланың аманаты. Ер мен әйел бір – бірінің кемшілігін жасырып, жақсы қасиеттерін арттыруға тырысса, отбасы берекелі болады» ‑ деп атап өтті.

    Пайғамбарымыз (с.ғ.с): «Сендердің ең жақсыларың – отбасына жақсы болғандарың» (Тирмизи) – деген хадисін мысалға ала отырып, отбасы құндылықтарын берік ұстанудың маңыздылығы жеткізілді.