Жамбыл облысы Байзақ ауданы Сарыбарақ ауылы «Темірбек баба» мешітінің имамы Жасұлан Сабырұлының ұйымдастыруымен «иманы жаз сауат ашу курсы қорытындыланды.

   Айтулы шараға Байзақ ауданының бас имамы Қанат Әділханұлы мен «Байзақ баба» мешітінің наиб имамы Бақытбек Бауыржанұлы қатысып, үш ай бойы өткен дәрістер аясында шәкірттерден емтихан алынды.Аудан бас имамы Қанат Әділханұлы шәкірттерге «Білекті бірді жығады, білімді мыңды жығады» тақырыбында насихат айтты.

   Әр бір сауат ашу курсына қатысушы шәкірттерге алғыс хат,смарт сағаттар берілумен қатар, қаржылай да сый-сыяпат жасалды.