Тараз қаласы "Танта баба" мешіті Мәуліт айының құрметіне орай қайырымдылық шарасы ұйымдастырылды. Шара барысында мешіт жамағатына және ауыл тұрғындарына арнап 150 адамға палау таратты.

    Бұл игі іс – шараға имамдар мен жамағат белсенділері атсалысып , келген жұртшылыққа берекелі ас үлестірілді. Жиналған барша жандар Аллаға шүкіршілік айтып, осындай шаралардың жиі өткізілетінін айтып, алғысын  білдірді.

Мұндай қайырлы істер адамдардың жүрегіне жылулық сыйлап қана қоймай, бірлік пен бауырмалдықты нығайтады. Пайғамбарымыз  (с.а.с ) хадисінде: «Адамдардың ең жақсысы – басқаларға пайдасы тиген адам» (Даруқутни) – деген.