Шу ауданындағы «Алмаз» колледжінде «Нашақорлық – құрдымға кетіреді» атты семинар ұйымдастырылды. Жиынды «Сауытбек» мешітінің имамы Шаттық Қамаубаев өткізіп, жастарға теріс әдеттердің зардабы туралы кеңінен түсіндірді.

Имам өз сөзінде қоғамдағы өзекті мәселелерді атап өтіп, әсіресе құмар ойындар, кальян, электронды темекі сияқты зиянды әдеттердің жастарды дұрыс жолдан тайдыратынын ескертті. Сондай-ақ, ол иманды берік ұстанудың маңыздылығын айтып, рухани құндылықтарды сақтауға шақырды.

Семинарға қатысқан студенттер имамның насихатын ықыласпен тыңдап, дін мен тәрбиенің өзара сабақтастығын тереңірек түсінді. Шараның негізгі мақсаты – жастарды зиянды әдеттерден сақтандырып, салауатты өмір салтына баулу болды.

Шу аудандық «Жәми» мешітінің баспасөз қызметі.