Шу аудандық орталық «Жәми» мешітінде әйел-қыздар жамағатының ұйымдастыруымен Мәуліт айына орай бір апталық Салауат айту марафоны өткізілді.

Марафон барысында қатысушылар күн сайын салауат айтуда белсенділік танытып, рухани жарыс жоғары деңгейде өтті. Нәтижесінде үздік деп танылған үш шәкіртке сый-сияпат табысталды.

Ұйымдастырушылардың айтуынша, бұл игі шараның мақсаты – әйел-қыздар қауымын имандылыққа тәрбиелеу, Пайғамбарымызға (с.ғ.с.) деген сүйіспеншілікті арттыру және Мәуліт мерекесінің рухани мәнін кеңінен насихаттау.

Шу аудандық «Жәми» мешітінің баспасөз қызметі.