Шу қаласына қарасты «Кәрібай молда» мешітінде әйел-қыздар секторының ұстазының бастамасымен қайырымдылық жәрмеңкесі өтті. Шараға қала тұрғындары мен мешіт жамағаты белсене қатысып, үйден пісірілген тағамдар қойылды.

Жәрмеңкеден түскен қаражат мешіттің неке қию бөлмесін қазақы нақышта жабдықтауға бағытталмақ. Бұл бөлме жас жұбайларға рухани тәлім беретін, ұлттық салт-дәстүр мен Ислам құндылықтарының үйлесім тапқан ордасы болмақ.

Шу аудандық «Жәми» мешітінің баспасөз қызметі.