Тараз қаласының сараптамаға жауапты маман 1 – ші және  4 -  ші аймаққа қарасты мешіт кітапханаларындағы діни әдебиеттерді сараптады. Тексеру барысында Құран Кәрім, хадис жинақтары, фиқһ еңбектері және діни әдебиеттердің мазмұны қаралып, олардың сенімді дереккөздерге негізделуі басты назарға алынды.

Сарапшы маман діни білімді дұрыс насихаттауда кітаптардың рөлі зор екенін атап, күмәнді еңбектерден сақ болу қажеттігін ескертті. Алла Тағала Құранда: « Оқы! Жаратқан Раббыңның атымен оқы!» («Ғалақ » сүресі , 1 ‑ аят) деп бұйырғандай, мешіт кітапханалары жамағатқа дұрыс діни білім беруді көздеуде.