Тараз қаласы "Ар – Рахман Ар – Рахим" мешітінде игі дәстүр жалғасын тауып,  қайырымдылық шарасы өтті. Мешіттің  имамы Ембергенов Амангелді бас болып, жамағаттың қолдауымен әлеуметтік жағдайы төмен, мұқтаж отбасыларға көмек көрсетілді.

Атап айтқанда, 10 отбасыға қажетті азық-түлік ретінде қызанақ үйлестірілді. Әрбір шаңыраққа бір-бір қораптан, барлығы 10 қорап қызанақ таратылды. Бұл шара әр жанұяға аз да болса септігін тигізіп, қуаныш сыйлады.

   «Жақсының жақсылығын айт, нұры тасысын» деген халық даналығына сай жасалған бұл іс – бірліктің, мейірімділіктің белгісі. Алла разылығы үшін жасалған қайырымдылық амалы – мұсылман қауымына үлкен сауап әкелетін игі іс.

   Имам Ембергенов Амангелді қайырымдылық шараларын тұрақты түрде жалғастырудың маңыздылығына тоқталып, мешіт тарапынан алдағы уақытта да көмекке мұқтаж жандарға қолдау көрсетілетінін жеткізді.