Күндердің сұлтаны жұма күні Шу аудандық «Жәми» мешітінде ауданның бас имамы Алмас Кенжемолдаев жұма уағызында «Дін мен Дәстүр» атты кітапты кеңінен насихаттап, әсіресе ұлттың ұлы қазынасы – ұрпақ тәрбиесі туралы терең мағлұмат берді.

Имам уағыз барысында «Ұрпақ тәрбиесі» тақырыбына арнайы тоқталып, халқымыздың бала тәрбиелеудегі ғасырлар бойы қалыптасқан өнегелі салт-дәстүрі мен діни қағидаттардың үйлесімділігін баяндады.

«Бірде Сағд ибн Башир (Алла оған разы болсын) Алла Елшісіне келіп: «Уа, Алланың Елшісі (оған Алланың салауаты мен сәлемі болсын)! «Мен осы ұлыма (яғни, Нұғман ибн Баширге) бір құлды тарту еттім», – дейді. Сонда Пайғамбарымыз (оған Алланың салауаты мен сәлемі болсын) оған:
«Балаңа беретін ең үлкен тарту – көркем тәрбие», – деп, есіне салған екен.» – дейді имам өз сөзінде.

Шу аудандық «Жәми» мешітінің баспасөз қызметі.