Жасөркен ауылы "Тұрыс" мешітінің имамы Бауыржан Досмухамбетов, мешіт жамағатына "Нәпсі тәрбиесі" туралы уағыз-насихат айта келе, нәпсіге ерік берудің нәтижесінде құлқынға құл болып, хайуани өмір сүру, ақыреттік абыройсыздыққа апаратынын көкейге жеткізуге тырысты.

Нәпсіні тәрбиелеу жолында Алла Тағаланың көмегі болмаса, жеңу күрделі болған кедергілер бар. Сол себепті, барынша тырысып, ең бастысы әрдайым Алла Тағалаға сыйынып, көмек сұрап отыру қажет. Имам Муслим мен Нәсаи риуаят еткен хадисте Ардақты пайғамбарымыз (с.а.у.): «Уа, Алла! Нәпсіме тақуалық бер. Нәпсімді пәкте. Сен ең жақсы пәктеушісің. Сен жанымның Иесісің!»– деген.