Шу аудандық орталық «Жәми» мешітінде имандылық пен ұлттық болмысты ұштастырған «Дін мен дәстүр» атты кітап жамағатқа кеңінен таныстырылып, насихаттау сабақтары басталды.

Жиналған жамағатқа аталмыш еңбектің мазмұны, мақсаты және қоғамдағы өзектілігі егжей-тегжейлі түсіндірілді. Кітапта қазақ халқының діни наным-сенімдері мен салт-дәстүрлері арасындағы үндестік, ата-баба мұрасы мен Ислам құндылықтарының сабақтастығы кеңінен баяндалған.

Шара барысында жамағат тарапынан белсенділік танытылып, түрлі сұрақтар қойылып, пікір алмасулар болды.

«Дәстүрлі дінінен, ділі мен тілінен, әдет-ғұрпынан ажыраған елдің болашағы жоқ. Сол үшін рухани құндылықтарымызды құнттай білгеніміз жөн.»

Шу аудандық «Жәми» мешітінің баспасөз қызметі.