Ауданға жиналған ауыл имамдарының алқалы жиынында Жамбыл аудандық орталық «Бәйдібек» мешітінің наиб имамы Азамат Балхожаев, ауыл имам-молдаларына «Уағыз айту мәдениеті» тақырыбында сөз сөйледі. Имам - халыққа дінді тек таратып қана қоймай, оны тереңінен танытатын, адамдардың дінге деген көзқарасына әсер ететін жан. Ал осы жолда дін қызметкерінің қаруы - сөз. Шынында уағыз адамды иман мен адами қасиетке үндейді. Діннің басты мақсаты да осы.

Дінді адамзатқа жеткізу, уағыз айту – Алла Тағаланың разылығына жетудің ең жақын жолы. Алла Елшісі (оған Алланың салауаты мен сәлемі болсын): «Кімде-кім тура жолға шақырса оған ерген адамдардың сауаптары ешбір кемшіліксіз шақырушыға жазылады» деген. Уағыз айту – Пайғамбарлар, оларға ерген саңлақ сахабалар, ғұламалар, салиқалы имамдардың жолы.

Жамбыл аудандық орталық мешітінің баспасөз қызметі