Жамбыл облысы, Жалпақ төбе ауылының “Тұрғани” мешітінде ауылдық әйел-қыздар жамағаты арасында тағылымы мол “Қасиетті Құран Кәрім дайындау” атты ашық сабақ ұйымдастырылды.

Бұл туралы асыл дінімізде Құран Кәрім оқуға құршынысыңызды оятатын хадистер: Сендердің ең жақсыларын - Құранды үйреніп, оны үйреткендерің (Бухари) Жүрегінде Құраны жоқ адам - қираған үй секілді (Тирмизи)

Аталған шараны Әйел-қыздар секторының жетекшісі Зухра Ибрагимованың бастамасымен өткізілді. Сабақ барысында қатысушыларға ислам діні туралы мағлұматтар беріліп, Құран Кәрімнің қадір-қасиеті кеңінен түсіндірілді.

Сабақтың негізгі мақсаты — білім беру арқылы жамағатты діни сауаттылыққа жетелеу. Сонымен қатар, тәрбиелік бағытында қатысушылар халқымыздың бай салт-дәстүрін қадірлеуге, инабаттылыққа, имандылыққа, адамгершілік пен ұқыптылыққа баулынды.

Мұндай игі бастамалар ауылдағы діни руханияттың дамуына, әйелдер мен қыз-келіншектердің білімге, тәрбиеге бет бұруына үлкен септігін тигізуде.

Тараз қалалық “Әулие-Ата” мешітінің баспасөз қызметі.