Шу қаласындағы “Кәрібай молда” мешітінде “Имани жаз – 2025” жазғы діни сауат ашу курсы өз жұмысын жалғастыруда. Курстың мақсаты – жас буынға имандылық негіздерін үйретіп, рухани тәрбие беру.

Балаларға Алланың көркем есімдері, дұғалар, әдеп қағидалары мен Құран әріптері үйретілуде. Сабақтарды тәжірибелі ұстаз Байториева Ғалия жүргізіп, шәкірттерге түсінікті әрі қызықты түрде білім беруде.

Ата-аналар тарапынан үлкен қолдау тапқан бұл курс балалардың жазғы уақытын тиімді өткізіп, рухани дамуына сеп болуда. Курстың нәтижесінде жас жеткіншектер діни ілімнің алғашқы баспалдақтарымен танысып, имандылыққа бір қадам жақындайды десекте болады.

Шу аудандық “Жәми” мешітінің баспасөз қызметі.