Арапа күніне орай мешіт жамағаты үшін тағылымы мол, рухани азыққа толы іс-шара ұйымдастырылды. Шара барысында арнайы айлық дастархан жайылып, жиналған халыққа уағыз-насихат айтылды.

Имамдар Құрбан айттың маңыздылығы, құрбан шалудың шарттары мен сауабы туралы кеңінен түсіндіріп, жамағатты ізгі амалдар жасауға үндеді. Сондай-ақ, қатысушыларға Құрбан айт мерекесіне қатысты ақпараттық брошюралар таратылды.

Мешітке жиналған жұртшылық бірліктің, мейірім мен жанашырлықтың айғағындай әсер алып, өз ризашылықтарын білдірді.

Шу аудандық “Жәми” мешітінің баспасөз қызметі.