Шу ауданына қарасты Д.Қонаев ауылында жаңа мешіттің құрылысы жүріп жатыр. Аталған нысанның құрылысымен танысу мақсатында Шу ауданының бас имамы Алмас Кенжемолдаев арнайы барып, жұмыс барысын бақылап қайтты. Имам құрылысшылармен пікірлесіп, мешіттің жобасы мен алдағы жоспарлар жайында ақпарат алды.

Жаңа мешіт заман талабына сай, жамағатқа қолайлы етіп салынып жатыр. Көпшіліктің құлшылық жасап, рухани тәрбиесін арттыратын ордаға айналуы көзделуде.

Жергілікті халық игі іске қолдау білдіруде. Ал құрылыс жұмыстары алдағы уақытта толық аяқталып, ел игілігіне берілмек.

Шу аудандық “Жәми” мешітінің баспасөз қызметі.