Жамбыл облыстық «Һибатулла Тарази» мешітінде 31 МАМЫР – САЯСИ ҚУҒЫН-СҮРГІН ЖӘНЕ АШАРШЫЛЫҚ ҚҰРБАНДАРЫН ЕСКЕ АЛУ КҮНІНЕ орай арнайы Құран хатым оқылып, ел тарихындағы қаралы кезеңде жазықсыз жапа шеккен азаматтардың рухына дұға бағышталды.

Игі іс-шараға мешіттің дін қызметкерлері мен жамағат қатысты. Алаш ардақтылары мен Кеңес өкіметінің озбыр саясатының салдарынан шейіт болған мұсылман бауырларымыздың рухына арнап Құран аяттары оқылды.

Шара барысында имамдар ата-баба аманаты, тарихи жады және ұлттық бірегейлікті сақтау жөнінде тағылымды уағыз айтып, келешек ұрпақтың бұл күнді естен шығармауы керектігін тілге тиек етті.

Бүгінгі ұрпақ — сол боздақтардың аманатын арқалаушы. Өткеннің ауыр сабағынан тағылым алып, тәуелсіздіктің қадірін білу — әрбір азаматтың парызы.

«Һибатулла Тарази» мешітінің баспасөз қызметі.