Жамбыл облысы Байзақ аудандық «Байзақ баба» мешітінің наиб имамы Азамат Боранбайұлы III аймаққа қарасты ауыл имам-молдаларына «Білімді болу заман талабы» тақырыбында дәріс оқыды.

         Азамат Боранбайұлы дәрісінде: «Пайғамбарымыз (оған Алланың салауаты мен сәлемі болсын) хадисінде: «Кімде-кім білім алу мақсатында жолға шығатын болса,Алла оның жәннатқа барар жолын жеңілдетеді», - деген (Имам Мүслим).

         Пайғамбарымыз (оған Алланың салауаты мен сәлемі болсын) бірде Әбу Зәр (Алла оған разы болсын) есімді сахабасына: «Ей, Әбу Зәр! Таңертең үйіңнен шығып, Құраннан бір аят үйренуің сен үшін 100 рәкағат нәпіл намаз оқығаннан да қайырлы. Сол секілді таңертең үйіңнен шығып, ілімнен бір бөлім үйренуің сен үшін мың рәкағат нәпіл намаз оқудан жақсырақ», – дейді (Имам Ибн Мәжа)», - деді.