Жамбыл облысы Байзақ ауданының бас имамы Қанат Әділханұлы «Алмалы» демалыс орталығында I аймаққа қарасты ауыл имам-молдаларына «Дін мен дәстүрдің маңыздылығы» тақырыбында семинар өткізді.

         Семинарда Қанат Әділханұлы: «Дін мен дәстүр сабақтастығы көптен бері қозғалып келе жатқан тақырып. Біз осынау маңызды мәселеге қатысты шариғи көзқарасты білдіруді жөн санадық. Дәстүрлі дінінен, ділі мен тілінен, әдет-ғұрпынан ажыраған елдің болашағы жоқ. Сол үшін рухани құңдылықтарымызды құнттай білгеніміз жөн. Әйтпесе, Құран Кәрімде ескертілген ақиқат жолынан айнып, адасқан қауымға айналып кетуіміз бек мүмкін.

 Алла тағала қасиетті Құранда Мариям сүресінің 59-аятында: «Ал олардан кейін намазды жоғалтып, нәфсілеріне ерген ұрпақтар келді. Олар бір жамандыққа жолығады», - деген.

Малики мазхабының өкілі Ибн Асим әл-Андалусий өзінің «Муқтада әл-уусуул илә илм әл-усуул» кітабында:

«Ғұрып – іс қой адамдарға танымал,

Әдеттің оған ұқсастығын танып ал.

Екеуі де шариғатқа енер ендеше,

Мәні қиғаш болып егер келмесе», - деген», - деді.