Жамбыл облысы Байзақ аудандық «Байзақ баба» мешітінің наиб имамы Бақытбек Бауыржанұлы Көкөзек ауылдық «Жантай ата» мешіті жанында орналасқан спорт кешенінде ауыл тұрғындарымен кездесіп, «Ислам және отбасы» тақырыбында насихат айтты.

      Бақытбек Бауыржанұлы насихатында: «Дін мен дәстүрін қадір тұтқан дана халқымыз да «Отан – отбасынан басталады» деп, отбасының қоғамдағы орнын ерекше бағалаған. Өйткені кез келген қоғамда адами жақсы қасиеттердің кеңінен тарауы үшін әр отбасының береке мен бірлікте өмір сүруінің маңызы зор.

Әр отбасының іргесі мықты болып, түтіні түзу шығуы үшін отбасындағы ер мен әйелдің өзіне жүктелген міндеттерге, отбасылық әдептерге мән бергені дұрыс. Сонда ғана ол шаңырақта сыйластық пен сүйіспеншілік орнамақ. Халық даналығында:

Екі жақсы қосылса,

Ай мен күндей жарасар.

Екі жаман қосылса,

Ырылдасар, таласар, – дейтіні осыдан болса керек.

Дінімізде ерлі-зайыпты адамдардың атқаруы қажет болған міндеттері мен әдептері көп», - деп отбасында ұстану керек болған бес қағиданы айтып өтті.