Қазақстан мұсылмандары діни басқармасының Жамбыл облысы Байзақ ауданының бас имамы Қанат Әділханұлы жұмыс сапарымен Жалғызтөбе ауылдық округіне барды. Сапар барысында бас имам Жалғызтөбе ауылдық округінің  әкімі Мейіржан Сатыбалдыұлы Тайтелиевпен кездесті.

Кездесу барысында бас имам Қанат Әділханұлы Жалғызтөбе ауылдық округіндегі діни ахуал, ауылдық мешіттердің жай-күйі және имамдардың әлеуметтік жағдайы сөз болып, өзекті мәселелер бойынша пікір алмасты.

Бас имам биыл Қазақстан мұсылмандары діни басқармасының төрағасы, Бас мүфти Наурызбай қажы Тағанұлы хазіреттің бастамасымен жарияланған «Ислам және отбасы құндылығы» жылының аясында жастар арасында дәстүрлі ұлттық тәрбиені насихаттау, жат ағымдардан сақтандыру турасында өз ойын білдірді.

Жалғызтөбе ауылдық округінің әкімі Мейржан Сатыбалдыұлы өз кезегінде округ көлемінде атқарылып жатқан рухани шаралар жайлы айта келе, аудандық мешіт тарапынан ұйымдастырылатын жұмыстарға жан-жақты қолдау көрсететіндігін жеткізді.

Қанат Әділханұлы округ көлеміндегі мешіттерге жіті назар аударып отырған ауыл әкімі Мейржан Сатыбалдыұлына алғыс білдірді.