Түрксіб ауылы «Түрксіб» мешітінің молдасы Болат Айдарбеков ауыл тұрғындары және мешіттің тұрақты жамағатымен бірге кеуіп кеткен  көлдің алаңында  истисқа намазын оқып, тасаттық өткізіп, уағыз- насихат айтты.

Пайғамбарымыз (с.а.с.) құрғақшылық уақыттарында истисқа намазын оқыған. Ал, кейде жұма намазында мінберде Алладан жаңбыр тілеп, дұға жасаған. Бұл намаз шариғатта бар. Бірақ уәжіп емес. Тек дұға, истиғфармен шектелсе де жеткілікті. Қазақи үрдіс бойынша құрбандық шалынып, ас таратылып, дұға етіп, жаңбыр тілеу- истисқа намазының сәні мен мәнін ашып тұрады. Бастысы Жаратқан Жаппар Иеміз қабыл етіп, елімізге молшылық пен берекет төксін!

Жамбыл аудандық мешітінің баспасөз қызметі