ҚМДБ-ның 35 жылдығына орай, Меркі ауданындағы «Жақсымбет ата» мешітінің имамы Қасымалиев Қыдырәлі Жақсымбетұлы Бас мүфти Наурызбай қажы Тағанұлының қолынан арнайы мерекелік медальмен марапатталды.

Қыдырәлі Жақсымбетұлы – 33 жылдан бері мешіт қызметінде табандылықпен еңбек етіп келе жатқан тәжірибелі имам. Өз ісіне адалдығы, жамағатпен тығыз қарым-қатынасы, ел ішіндегі рухани тәрбиеге қосқан үлесі жоғары бағаланып, лайықты марапатқа ие болды.

Бұл марапат – дін қызметкерінің ел игілігі үшін жасаған ұзақ жылдық еңбегінің айқын көрінісі. ҚМДБ тарапынан көрсетілген бұл құрмет имамдарға деген сенім мен қолдаудың нақты үлгісі болды.

«Һибатулла Тарази» мешітінің баспасөз қызметі