Бесағаш ауылы «Бесағаш» мешітінің молдасы Маулен Ибрагимов мешіт жамағатына «Діни экстремизмге қарсы иммунитет қалыптастыру» тақырыбында уағыз- насихат айтты. Елімізде жұмысын жасырын жүргізіп келе жатқан деструктивті діни ағымдар мен секталар жоқ емес. Солардың қатарында ата-дәстүрімізбен, әдеп-ғұрыптарымызға тікелей қарсы бағытта әрекет етіп жүргендері де баршылық. Сондықтан мемлекет тарапынан халықтың арасындағы деструктивті діни ағымдардың іс-әрекетіне қарсы шаралар жүргізілетіні анық.

Қарсы шаралар ретінде халықты діни сауаттандыруға бағытталған әдебиеттер санын арттыру, ғаламторлардан жастарды қызықтыру арқылы дәстүрлі дін жолына бағыттайтын және деструктивті діни ағымдардың іс-әрекеттерін әшкерелейтін материалдар сайттарын ашу қажет. Экстремизмге қарсы күрестің бірден — бір жолы – халыққа олар туралы өз уақытында шынайы мәліметті жеткізіп отыру. Бұл жерде әрине мешіт, медресе және дін мамандарының  рөлі өте жоғары.

Жамбыл аудандық мешітінің баспасөз қызметі