Меркі ауданы, Қызылсай ауылында мешіт жамағаты атынан бес уақыт намазына берік, әр қашан мешіт қызметінде жүрген Бауыржан ағамызға бір велосипед және 30 000 тг қаржылай сыйлық табысталды.

Сүйікті пайғамбарымыз Мұхаммед (ол кісіге Алланың игілігі мен сәлемі болсын) сыйлыққа үлкен мəн берген. Көптеген хадистерінде сыйлық тарту ету адамдардың бір-біріне деген сыйластығын, татулығын, өзара сүйіспеншілігін арттыратындығы баяндалады: «Бір-біріңізге сыйлық беріңіздер! Өйткені сыйлық сүйіспеншілікті арттырады, жүректі кірбіңнен тазартады». «Сыйлық алмасыңдар, бір-бірлеріңе деген махаббаттарың артады».  «Бір-бірлеріңізге барып қал-жағдай сұрасып тұрыңыздар. Сыйлық берісіңіздер. Өйткені зиярат – сүйіспеншілікті нығайтады, ал сыйлық – жүректі жамандықтардан (өшпенділік, қатігездік, дұшпандықтан) тазартады».- деген.

Сыйлық алған ағамыз аудан бас имамына және мешіт жамағатына алғысын білдіріп, рақметін айтты.

Меркі аудандық «Меркі ата» мешітінің баспасөз қызметі