«Төле би» мешітінің имамы Талғат Кәрібайұлының бастамасымен ауыл тұрғындарына арналған қайырымдылық іс-шарасы ұйымдастырылды.

Игі шара барысында әлеуметтік көмекке мұқтаж 5 отбасыға азық-түлік пакеттері табысталды. Мешіттің азаншысы Ибрагим Жалалиев қайырымдылық көмегін үлестіріп, әр шаңыраққа имамның сәлемін жеткізді.

Ауыл тұрғындары бұл қолдауға шын жүректен алғыс айтып, мешіт ұжымына ақ тілектерін білдірді. Мешіт жамағатының ұйымшылдығы, осындай игі істер — қоғамдағы мейірімділік пен өзара қолдаудың жарқын үлгісі.

Шу аудандық «Жәми» мешітінің баспасөз қызметі.