ҚМДБ-ның Жамбыл облысы бойынша бас имамы Асқар қажы Зәкіржанұлы жұмыс сапары барысында Меркі ауданындағы «Меркі ата» мешітінде жұма намазын өткізіп, жамағатқа «Ұлттардың бірлігі – қоғам бірлігі» тақырыбында тағылымды уағыз айтты.

Уағыз барысында бас имам: «Қоғамның бейбіт өмірі мен тұрақтылығы – ұлттар мен ұлыстардың өзара сыйластығы мен түсіністігіне байланысты. Ислам діні барлық адамды тегі мен ұлтына қарап емес, тақуалығы мен адамгершілігіне қарап бағалайды. Құранда: “Сендерді бір-бірлеріңді танып, сыйласу үшін ұлттар мен ұлыстар етіп жараттық” деп бұйырады», – дей келе, бірлік пен татулықтың маңызын жамағатқа кеңінен түсіндірді.

 «Һибатулла Тарази» мешітінің баспасөз қызметі