ҚМДБ-ның Жамбыл облысы бойынша бас имамы Асқар қажы Зәкіржанұлы Меркі ауданында бой көтеріп жатқан «Ас-Сәлам» мешітінің құрылыс алаңына арнайы барып, атқарылып жатқан жұмыстардың барысын бақылап қайтты. Меркі ауданының бас имамы Азамат Берікұлы нысанмен таныстырды. 

Бас имам құрылыс сапасына ерекше назар аударып, мердігерлермен және жауапты мамандармен кездесті. Жоспарланған жұмыс кестесімен танысып, құрылыс нысанының уақытылы әрі талапқа сай аяқталуын тапсырды. Сондай-ақ, мешіттің болашақтағы діни-ағартушылық қызметі, жамағатқа ыңғайлы болу мәселелері де талқыланды.

Асқар қажы Зәкіржанұлы құрылысқа атсалысып жатқан барша азаматтарға сәттілік тілеп, бұл игі бастаманың ел руханиятына үлкен үлес қосатынын атап өтті.

 «Һибатулла Тарази» мешітінің баспасөз қызметі