ҚМДБ-ның Жамбыл облысы бойынша бас имамы Асқар қажы Зәкіржанұлы Меркі ауданындағы «Жақсымбет» мешітінің жамағатымен кездесті. Жиналған жамағатқа «Мұсылманның сипаты» тақырыбында тағылымды уағыз айтып, мүміннің көркем мінезі мен шынайы мұсылманға тән сипаттарға тоқталды.

Уағыз барысында бас имам Алла Тағала сүйетін сипаттар – адалдық, сабырлық, ізгілік, шүкіршілік, жамағатпен бірлік, көркем мәміле және шынайы тақуалық турасында кеңінен түсіндіріп өтті. Сондай-ақ, қазіргі қоғамдағы мұсылманның рөлі мен жауапкершілігі жайлы маңызды кеңестер берді.

 «Һибатулла Тарази» мешітінің баспасөз қызметі