ҚМДБ-ның Жамбыл облысы бойынша бас имамы Асқар қажы Зәкіржанұлы Меркі ауданына іссапары барысында «Жүніс молда» мешітіне арнайы барып, мешіттің тыныс-тіршілігімен танысты.

Зерделеу барысында мешіттің ішкі-сыртқы тазалығы, жамағатпен жұмыс жүргізу деңгейі, құжаттарының реттелуі және оқу-ағарту бағытындағы қызметтері тексерілді. Бас имам мешіттің ахуалына оң бағасын беріп, имам мен мешіт ұжымына нақты бағыт-бағдар беріп, діни қызметтің сапасын арттыруда халықпен тығыз байланыс орнату қажеттігін айтты.

Жамбыл облыстық «Һибатулла Тарази» мешітінің баспасөз қызметі