Шоқай ауылы «Уәли Қалпе» мешітінің молдасы Ержан Сапарбеков мешітке келген жамағатқа "Дін мен дәстүр" тақырыбында уағыз- насихат айтты. Құранда бұл жөнінде:«Ғафу жолын ұста, ғұрыппен әмір ет және надандардан теріс айнал» («Ағраф» сүресі, 199-аят.) деп келеді. Қазақ салтында, әрине, Исламнан алдыңғы әдет-ғұрыптар да бар. Осы әдет-ғұрып, дәстүр деген сөздердің өзі діни терминдермен араб тілінен енген. Осының өзі біздің салт-дәстүріміздің негізгі бөлігі Ислам салты екеніне үлкен дәлел. Ата-бабамыздың салтында қалыптасқан көптеген дәстүрлердің көбі негізі Ислам мәдениетімен кірді. Мысалы қазақта біреу әңгіме айтып тұрып түшкірсе «Айтқаны рас екен» деген әдет бар. Бұл Пайғамбарымыздың хадис-шәріпінде былай деп келтірілген: «Бір сөз айтылып жатқан кезде біреу түшкіріп қалса, сол сөз ең дұрыс сөз болғаны».

Ислам қазақ даласына кеше ғана келген жоқ. Ислам діні он екі ғасырдан астам уақыт ата-бабаларымыздың қанымен, халқымыздың бойына, салт-дәстүріне сіңді. Сондықтан да, Ислам дінін – діңгек етіп ұстанғымыз келсе – салт-дәстүрімізді сақтауымыз қажет.

Жамбыл аудандық  мешітінің баспасөз қызметі