Тараз қаласындағы «Кеңесхан қажы» мешітінде «Расскажи мне об исламе» атты тағылымды рухани шара ұйымдастырылды. Жиынды мешіт имамы ашып, «Исламның құндылығы» тақырыбында әсерлі насихат айтты.

Шараға ислам дінін қабылдаған өзге ұлт өкілдері арнайы қатысып, жүрек тебірентер оқиғаларымен бөлісті. Олардың шынайы ықыласпен қабылдаған дінге деген сүйіспеншілігі жиналған жұртты бейжай қалдырмады.

Сонымен қатар, Әйел-қыздар секторының ұстазы Зейнеп Үсенова жиналған жамағатқа иман, хидаят, сабыр сынды тақырыптарда уағыз айтты.

Мешіт шәкірттері исламды қабылдаған бойжеткеннің тағдырын арқау еткен әсерлі қойылым қойып, көрермендердің көңілін босатты. Шараның рухани мәні зор болды.

«Һибатулла Тарази» мешітінің баспасөз қызметі