Ислам діні – адамзатты Аллаға иман келтіріп, сол иман негізінде ізгі амал жасауға үндейтін асыл дін. Осы ретте қоршаған ортаны таза ұстау – әрбір мұсылманның мойнындағы міндет. Табиғаттың тазалығы – тіршіліктің тынысы, ал оны қорғау – иманның белгісі.

Жамбыл облысы Қордай ауданы, Қарасу ауылындағы «Ал-Хади» мешітінде көгалдандыру жұмыстары жүргізілді. Игі шара мешіт имамы Жапеков Русланбек Сағынұлының бастамасымен және тікелей қатысуымен өтті.

Мешіт аумағын көркейтуге жамағат белсене атсалысып, қолдарынан келгенше аянбай еңбек етті. Алланың үйін абаттандыру – сауапты іс. Жүректерге жылылық сыйлап, көз сүйсінтер көрініс қалыптастырған жамағатқа Алла разы болсын!

Аудандық «Қордай» мешіті баспасөз қызметі