Тараз қаласындағы «Әбу-Бәкір Ас-Сыддық» мешітінде ай сайын дәстүрлі түрде ұйымдастырылып келе жатқан рухани шара жалғасын тапты. Әйел-қыздар секторы бұл жолы да жамағатты бірлікке шақырып, жайылған дастархан басында тағылымды кездесу өткізді.

Шараның құрметті қонағы – танымал ұстаз, насихатшы Гүлжан ұстаз болды. Ол жиналған қауымға жүрекке жылы тиетін уағыз айтып, әйелдің исламдағы рөлі, отбасыдағы міндеті, тақуалық пен сабыр жайында әсерлі сөз қозғады.

Жиналған апалар мен қыз-келіншектер уағыздан рухани серпіліс алып, өзара пікір алмасып, шынайы ықыласпен тарқасты. Айлық дастархан – тек тамақтану емес, бұл – жүректерді біріктіріп, иманды күшейтуге бағытталған игі басқосу.

Тараз қалалық «Әулие ата» мешітінің баспасөз қызметі.